日日洗頭好傷頭髮?

March 07, 2019

日日洗頭好傷頭髮?

其實我地應該幾耐洗一次頭呢?日日洗頭會令頭髮好傷?網絡上都有好多文章,尤其外國文章特別多,如果你只需要GOOGLE下“HOW OFTEN SHOULD I WASH MY HAIR”,都有好幾十篇文章會講到。

概括黎講,視乎油脂、汗水分秘情況同髮質,都無一個標準答案。YY主張以香港環境同氣候,其實日日洗頭會比較好啲,除左剛剛染髮特殊顏色之外。只要洗髮程序正確,加上用合適的洗護產品,每一次洗髮其實都係一種護髮的方法

正確洗護程序

好多客人每日都只係沖洗一次就算,尤其好多年青男士,又鍾意用各式各樣造型產品,好早開始有疑似脫髮問題。正確洗髮係應該用洗髮水洗兩次頭髮,第一次係沖走塵埃同多餘油脂,第二次先係真正清潔毛囊同頭髮。

洗護步驟:

  1. 梳頭:用按摩梳擦一下頭髮
  2. 洗髮:用溫水沖濕頭髮,不要過熱;將洗髮水倒於掌心,大概一個五元硬幣的份量,先於掌心打圈微微起泡才塗抹於頭皮及頭髮上,以手指肉輕輕按摩,兩至三分鐘後沖淨再重覆。
  3. 護髮素及髮膜:沖淨頭髮後輕輕擠出多餘水份,將護髮素或髮膜(建議一星期可用一至兩次頭膜代替護髮素)均勻地塗抹於髮尾位置,不要接觸頭皮。待會兒分鐘後才沖掉效果更好。
  4. 免沖修護用品:頭髮盡量印乾後塗適量的免沖護髮素及髮尾油(有關髮美油請按此)
  5. 吹乾及梳理:切記濕頭髮時不要用梳,尤其密齒梳梳髮,頭髮在濕的狀態時比較容易脆弱及容易折斷,最好用手指輕輕抓開頭髮便可。頭髮一定要印乾一點才開始吹髮,一來頭髮快乾啲,二來可以避免熱力長時間傷害頭髮
網絡相片來自:https://sk.fehrplay.com/krasota/66504-alerana-otzyvy-ob-effektivnosti-sredstva-protiv-vypadeniya-volos.html



    Leave a comment

    Comments will be approved before showing up.


    Also in YY護髮扎記

    成日頭痕、頭皮好繃緊 可能你有頭皮敏感 (下)
    成日頭痕、頭皮好繃緊 可能你有頭皮敏感 (下)

    April 23, 2018

    感覺頭皮繃緊、痕癢(洗完頭都好痕)、甚至更嚴重會覺得頭皮赤痛同有濕疹,有時候仲會有頭皮屑出現...頭皮敏感,即使無染髮無電髮都有上述癥狀,換洗髮水都解決唔到,好多時候都係飲食不均、壓力或者外在污染引致,睇睇呢啲方法幫唔幫到你。

    Continue Reading

    成日頭痕、頭皮好繃緊 可能你有頭皮敏感 (上)
    成日頭痕、頭皮好繃緊 可能你有頭皮敏感 (上)

    April 18, 2018

    遇過好多客人都有頭皮敏感而自己唔察覺到,當你成日頭痕,洗完頭都痕,感覺頭皮繃緊甚至有頭皮屑出現,咁就要注意下喇!想了解多啲頭皮敏感成因同埋解決辦法?咁就入黎睇下啦~

    Continue Reading

    洗完頭半日已經又油又臭? 頭皮給你的甩頭髮警號 你發現沒有?
    洗完頭半日已經又油又臭? 頭皮給你的甩頭髮警號 你發現沒有?

    April 13, 2018

    排除基因遺傳的因素,一般都市人都會有脫髮的問題,並覺得隨年紀增長,甩頭髮是屬正常! 如果你有呢個想法,咁我勸你唔洗再睇落去喇⋯⋯油性/脂漏性脫髮的4大警號,如果想知道就入黎睇下自己有無啦~

    Continue Reading