關於護髮的謬誤
要學識護髮，首先要知道一些護髮的錯誤觀念：
1. 有名氣品牌 ＝好野？？
美髮產品好與唔好絕對唔可以單單睇品牌的名氣度而決定，一個歷史悠久的品牌並唔代表其成份合適你。同一類型同功效既護髮產品，當中所含有既成份都唔同，所以係要搵真正合適自己的成份。
2. 日日洗頭好傷頭髮？？
只要洗髮程序正確，加上用合適的洗護產品，每一次洗髮其實都係一種護髮的方法。注意：合適既洗髮水同護髮素係指，因應當時髮質、頭皮狀況及氣候而揀選正確既產品。(好多客人一聽到小編話自己屋企有4款唔同既洗護系列都覺得小編好誇張，但事實係需要既，就好似護膚品一樣，你早上同晚上都會分開唔同既產品啦～之後既文章小編會逐一講解唔同洗護系列既成份、用法同功效，同埋不同髮質要用咩洗護系列。
3. 髮質可以永久被修復？？？
哈哈～如果焗一次油就可以令頭髮永遠都健康，咁年中都應該有唔少髮型屋同髮型產品商要執笠喇～～其實護髮同護膚一樣都是持之而恆，因為頭髮會不停地被外來因素侵害，所以護髮同護膚一樣係沒完沒了的。
4.唔染唔漂唔電燙 ＝健康頭髮
一把頭髮完全唔染唔漂唔電燙 ，小編只能夠話係比較健康，但始終頭髮會不停地被外來因素侵害，例如：UV、水、與衣物或梳磨擦、風筒熱力、去海灘泳池游水、唔健康既飲食等，或多或少都會令頭髮受到傷害。
好多客人都問，「咁染D頭痛傷唔傷頭髮架」、「要漂咪好傷頭髮？！？」、「點電先無咁傷頭髮架？」。。。其實小編相信，唔會有人可以實牙實齒咁同你講，一定唔傷囉！咁你係咪成世唔染唔漂唔電丫？唔會囉！所以呢，要漂染電髮都唔係問題，最大問題就係事後你應該點修護頭髮。
部分資料來源：HAIR CARE REHAB The Ultimate Hair Repair and Reconditioning Manual, Audrey Davis-Sivasothy, Saja Publishing Company,LLC, 2013
Also in 護髮筆記
謬誤一：有名氣嘅品牌＝啱你？
謬誤一：有名氣嘅品牌＝啱你？ 大家好，我係 Enzo。 好多人揀洗髮水，第一件事睇品牌。但品牌大，唔代表啱你嘅頭皮同髮質。 同一支洗髮水，有人用完好順，有人用完好乾——出油、敏感、有冇染燙，人人都唔同。 睇成分同用途，多…
日日洗頭好傷頭髮？
日日洗頭，係咪真係好傷頭髮？ 香港夏天，出街半個鐘，返到屋企個頭皮已經又濕又笠。想洗，但腦入面即刻彈返嗰句：「日日洗頭會甩頭髮㗎喎。」於是頂到第三日先洗，洗嗰陣仲要見到成手落髮，更加驚。 問題唔係「日日洗」，係「你點洗」…
日日洗頭好傷頭髮？
其實我地應該幾耐洗一次頭呢？日日洗頭會令頭髮好傷？
概括黎講，視乎油脂、汗水分秘情況同髮質，都無一個標準答案。只要洗髮程序正確，加上用合適的洗護產品，每一次洗髮其實都係一種護髮的方法。