成日頭痕、頭皮好繃緊 可能你有頭皮敏感 (上)

April 18, 2018

頭皮其實係皮膚一部份，但係因為有頭髮遮蓋住，所以我地都好少會察覺頭皮敏感問題。YY遇過好多客人，都唔知道自己係有敏感嘅情況，所以遲遲都無處理。

頭皮敏感癥狀：感覺頭皮繃緊、痕癢(洗完頭都好痕)、甚至更嚴重會覺得頭皮赤痛同有濕疹，有時候仲會有頭皮屑出現，因為頭皮不停自我保護更新所致。好多人見自己有頭皮屑就用去屑洗護產品，咁樣反而會情況更差，因為一般去頭屑洗髮水唔係針對敏感問題，可能令頭皮更加乾旱。

頭皮敏感都有分暫時性或者係長期，如果只係染髮電髮後出現繃緊同不適情況，咁就屬於化學性敏感短暫性，多數出現於經常電髮同染髮嘅客人身上。而長期性敏感就即使無染無電都有上述癥狀，換極洗髮水都解決唔到。

YY遇過兩個最深刻嘅CASE，兩個都係廿歲頭嘅女仔，一個因為經常染髮，染到好淺色，甩左好多頭髮都唔願處理；呢個CASE，YY幫佢唔到，因為佢唔俾我幫 XDXD
另一個慘啲，因為讀書壓力而引致頭皮都有濕疹，濕疹位置啲頭髮都甩晒，用好多醫生開嘅藥都醫唔好。後者就有聽YY建意，改用抗敏系列洗髮水同抗敏舒緩液，已經好番好多。

化學性頭皮敏感預防方法

1.電髮染髮前不要洗髮

準備電髮染髮前最好24小時前不要洗髮，當然最好唔好用造型產品。唔洗髮可以確保頭皮有足夠頭油保護頭皮，而唔用造型產品，係為方便髮型師梳開頭髮同唔會影響電染效果。

2.染髮前用頭皮保護油／霜

專業髮型用品都有染髮前用的頭皮保護油／霜，可以問下髮型師，如果要漂到好淺色嘅多數都會你唔講都應該會幫你用。

3.採用不含亞摩尼亞(AMMONIA FREE)染髮劑

經常要蓋白髮客人，可考慮選擇不含亞摩尼亞(AMMONIA FREE)嘅染髮劑。好多人都以為AMMONIA FREE即係唔傷頭髮，其實正確黎講AMMONIA FREE係唔傷頭皮。因為AMMONIA呢種成份係較常令人敏感，唔代表唔係好野。(我地都有AMMONIA FREE 嘅染髮服務，不妨CLICK入黎睇睇)

染髮電髮後，都有一啲小建議，令頭皮無咁繃緊：

 

 

1.可以的話隔多一晚先洗頭，除左令染髮後顏色或電髮後嘅卷度穩定，都可以俾頭皮休息一下

2.使用低鹼度洗護系列，如染後專用嘅洗髮水，可以修復頭髮之餘亦可減低對頭皮嘅刺激

3.如頭皮出現紅腫，咁就用可以舒緩敏感嘅洗護系列

4.染髮後到下次再染髮期間都可做下舒緩抗敏感嘅頭皮護理

下一篇再講下長期頭皮敏感嘅成因同治療方法啦～

https://iamyvonneyan.blogspot.com/2018/04/sensitive-scalp-after-chemical.html

---

Leave a comment

Comments will be approved before showing up.

Name *

Email *

Comment *

---

Also in YY護髮扎記