成日頭痕、頭皮好繃緊 可能你有頭皮敏感 (下)

April 23, 2018

上一篇提及過暫時性頭皮敏感成因同舒緩方法＜成日頭痕、頭皮好繃緊 可能你有頭皮敏感 (上)＞，今次就講長期性嘅頭皮敏感成因同埋舒緩方法。

頭皮敏感癥狀：感覺頭皮繃緊、痕癢(洗完頭都好痕)、甚至更嚴重會覺得頭皮赤痛同有濕疹，有時候仲會有頭皮屑出現，因為頭皮不停自我更新所致。好多人見自己有頭皮屑就用去屑洗護產品，咁樣反而會情況更差。長期性敏感就即使無染髮無電髮都有上述癥狀，換洗髮水都解決唔到，好多時候都係飲食不均、壓力或者外在污染引致。

飲食唔健康同壓力會令油脂分秘失均，頭皮免疫力就會失調，就好容易因為其他外在因素而令到頭皮敏性。

頭皮敏感的因素

1. 長期使用劣質或唔適合嘅洗髮水(發生男士身上多，留意之後會有文章講男士頭皮問題)

2. 經常使用造型產品後又唔勤力清潔好頭皮

3. 長期戴帽或頭盔又唔注意衛生

4. 長期暴曬⋯⋯等等

以上種種原因，都好容易令頭皮容易敏感，除左用要轉抗敏洗頭水之外，都要改變一下壞習慣。

 

改善頭皮敏感的方法

1. 洗護方面，唔好屋企人用咩我就用咩，因為個個人頭皮同髮質唔同，應該用真正合適自己嘅洗髮水

2. 用造型產品本身問題不大，係用完造型產品當天應該即時洗乾淨。如果日日使用就最好用一啲水溶高嘅產品或者低酒精成份嘅比較好，對自已頭皮好啲當然最好定期深層清潔一下頭皮啦

3. 長期戴帽或要經常戴頭盔嘅人士，如果可以就每日清潔一下帽同頭盔，如果唔方便清潔就準備定多幾個頭套，每日都換一個就最理想

4. 長期暴曬就最好戴帽保護頭皮

最後一句，牙齒係一世，我地都唔想未到70歲就要配假牙，所以都會定期去洗下牙，對嗎？毛囊一樣，死左就好難救番，你都唔想40歲就要日日戴假髮，對嗎？好好保護及護理一下頭皮啦！

以上內容係憑YY從書本及經驗歸納出之建議及分析，如果問題沒有改善，請向你嘅皮膚科醫生查詢。

 

photo source:http://www.hairextensionsbynikkielee.com/sensitive-scalp-shampoo/

---

Leave a comment

Comments will be approved before showing up.

Name *

Email *

Comment *

---

Also in YY護髮扎記