染髮後要注意的5大事項
染髮後要注意的5大事項
1. 染完髮後24-48小時內唔好洗髮
染髮後最好就隔多一日先再次洗髮，因為染髮後頭髮同頭皮都會比較乾同敏感，加上顏色粒子仲未穩定，所以最理想就係可以隔多晚先洗會比較好。
2. 染後兩至三星期一定要用鎖色洗髮水！！
鎖色洗髮水其實唔係淨係鎖色咁簡單，其實鎖色洗髮水最大的作用係修復染後既頭髮，尤其染後兩至三星期是修復頭髮的關鍵時刻！
一般染髮劑都係偏鹼性的，因為要打開頭髮的鱗狀表層令染髮劑可以滲入髮芯從而改變顏色，所以染髮後鱗狀表層會打開左令水份同角蛋白質容易流失
而鎖色洗髮水及護髮素係偏酸性，一來可以鎖緊鱗狀表層，減少水水份同角蛋白質流失；二來可以平衝頭髮既酸鹼值，令顏色粒子穩定下來；從而達到鎖色效果。
3. 染完頭髮一定要做下保濕TREATMENT
染完頭髮一定要定期做下保濕TREATMENT，染後頭髮係需要保持一定的濕度先可以令髮色更持久。一個星期抽兩次，用HAIR MASK當護髮素都會好好多，當然都要配合鎖濕護髮產品一齊用啦！
4. 盡量用溫水洗髮
熱水會令鱗狀表層打開，令顏色流失得更快，所以請盡量用溫水洗髮。
5. 染完避免游水或曬太陽
如果真係要去游泳池游水或者去曬日光浴的話，就一定要做好保護，最好事前先塗一些保濕的護髮產品同髮尾油，如果係去泳池游水就最好戴返泳帽，盡量減低甩色機會。
其實仲有好多野要注意的，不過繁忙既都市人如果可以做到以上幾點就已經好好架喇～～
參考資料：
1. After-Care for Colored or Chemically-Treated Hair
http://www.hairfinder.com/info/after-care.htm
2. 26 tips to help protect color-treated Hair & keep it looking fabulous
http://www.matrix.com/blog/26-tips-to-help-protect-color-treated-hair-and-keep-it-looking-fabulous
3. Avoid the fade! 5 proven tips to protect color treated hair
http://www.discovergoodnutrition.com/2014/07/tips-for-color-treated-hair/
4. Hair Coloring, Hair Structure and Chemistry Simplified, 5th Edition, John Halal, Milady
Also in 護髮筆記
謬誤一：有名氣嘅品牌＝啱你？
謬誤一：有名氣嘅品牌＝啱你？ 大家好，我係 Enzo。 好多人揀洗髮水，第一件事睇品牌。但品牌大，唔代表啱你嘅頭皮同髮質。 同一支洗髮水，有人用完好順，有人用完好乾——出油、敏感、有冇染燙，人人都唔同。 睇成分同用途，多…
日日洗頭好傷頭髮？
日日洗頭，係咪真係好傷頭髮？ 香港夏天，出街半個鐘，返到屋企個頭皮已經又濕又笠。想洗，但腦入面即刻彈返嗰句：「日日洗頭會甩頭髮㗎喎。」於是頂到第三日先洗，洗嗰陣仲要見到成手落髮，更加驚。 問題唔係「日日洗」，係「你點洗」…
日日洗頭好傷頭髮？
其實我地應該幾耐洗一次頭呢？日日洗頭會令頭髮好傷？
概括黎講，視乎油脂、汗水分秘情況同髮質，都無一個標準答案。只要洗髮程序正確，加上用合適的洗護產品，每一次洗髮其實都係一種護髮的方法。