遵守3個健康生活方式 人健康啲 頭髮都靚啲
相信會睇我呢個BLOG嘅人都係為左同一個目的，就係想擁有健康嘅頭髮，健康及豐盈嘅頭髮往往令人睇落後生啲，唔知你認唔認同呢？
上回提及過，不良飲食同生活習慣都會從頭髮反映出來，如果只係單靠護髮產品而唔狠狠改變自己飲食習慣，頭髮係唔會變得更好。只要遵從以下三個簡單生活方式，包你健康好左頭髮都靚啲：(相信人人都聽過，只係無認真遵守過)
1.多食新鮮生果同蔬菜
每日食足五份唔同顏色的生果同蔬菜，就可以攝取足夠維他命同微量原素維持一日所需，仲可以抗衰老添。一份即係幾多? 一份就係你一個拳頭咁多左右，其實5份唔算好多啦。
香港人餐餐都出街食，係好似好難。建議：簡單啲早餐食多一隻蕉、咬多個蘋果，返到公司午飯前食碗提子或士多啤梨，出去食飯叫多個油菜走油，下午茶食個沙律代替油占多。咁就夠啦。
2. 多飲水
茶、咖啡同啤酒都唔計，因為呢啲都會令細胞水份流失。只有水先可以真正補充細胞水份同令頭髮更有生命力，尤其當年紀增長，水份流失得更快，頭髮就會愈來愈乾旱。每日大約飲到兩公升水，減少飲甜野同酒精飲品，慢慢你就感受到飲水帶黎嘅好處。
3. 食真正的食物，並唔係食品
食品係指經過加工而成的，鹽分高不特止，營養價值更加低，甚至毫無營養可言。食物係未經化學處理，先有營養可取。我們要攝取足夠的營養，先有更好的髮質呢。
每日食足
最後，當然要多了解自己頭皮狀況 ，定期檢查一下自己頭皮的狀況，不要不聞不問，有事先緊張啦！
推介下HAIR DELIGHT最近引入左部激光三譜頭皮檢測儀(詳情按此)，加入了不同的頭皮護理療程，可瀏覽此
4-5月推廣價9折試做，付款時入優惠號碼: SCALPTR2018，即可獲9折優惠
Reference: "Shiny Happy Hair”, ANDREW BARTON, New Holland
photo source:http://www.quotidianodiragusa.it/2017/05/31/salute-e-benessere/prude-gola-frutta-verdura-sindrome-orale-allergica/30810
photo source：https://www.jiankang.com/detail/204395.shtml
YY Blog :https://iamyvonneyan.blogspot.hk/
Leave a comment
Comments will be approved before showing up.
Also in YY護髮扎記
日日洗頭好傷頭髮？
其實我地應該幾耐洗一次頭呢？日日洗頭會令頭髮好傷？
概括黎講，視乎油脂、汗水分秘情況同髮質，都無一個標準答案。只要洗髮程序正確，加上用合適的洗護產品，每一次洗髮其實都係一種護髮的方法。
成日頭痕、頭皮好繃緊 可能你有頭皮敏感 (下)
感覺頭皮繃緊、痕癢(洗完頭都好痕)、甚至更嚴重會覺得頭皮赤痛同有濕疹，有時候仲會有頭皮屑出現...頭皮敏感，即使無染髮無電髮都有上述癥狀，換洗髮水都解決唔到，好多時候都係飲食不均、壓力或者外在污染引致，睇睇呢啲方法幫唔幫到你。
成日頭痕、頭皮好繃緊 可能你有頭皮敏感 (上)
遇過好多客人都有頭皮敏感而自己唔察覺到，當你成日頭痕，洗完頭都痕，感覺頭皮繃緊甚至有頭皮屑出現，咁就要注意下喇！想了解多啲頭皮敏感成因同埋解決辦法？咁就入黎睇下啦~